ބިދޭސީން އުޅެމުންދަނީ ގަވާއިދާ އެއްގޮތައްތޯ ބަލަންފަށައިފި

ވޭތުވެ ދިޔަ އަހަރު އިމިގްރޭޝަނުން ބަލާ ފާސްކުރި ތަންތަނުގައި ބިދޭސީން އުޅެމުންދަނީ ގަވާއިދާ އެއްގޮތަށްތޯ ބެލުމަށް ހާއްސަ އޮޕަރޭޝަނެއް ފަށައިފިއެވެ.

އެގޮތުން އިމިގްރޭޝަނުން އެކްސްގައި މިއަދު ކުރި ޕޯސްޓެއްގައި  މިދިއަ އަހަރު ބަލައި ފާސްކުރި ތަންތަނުގައި މިހާރު ބިދޭސީން އުޅެނީ ގަވައިދަށްތޯ ބެލުމަށް ޚާއްސަ އޮޕަރޭޝަނެއް ފަށާފައިވާ ކަމަށާއި އޭގެތެރެއިން އިއްޔެ ބަލައި ފާސްކުރި ދެ ތަނުގައި ވެސް މިހާރު ގަވާއިދާ ޚިލާފަށް އުޅެމުންދާ ބިދޭސީއެއް ނެތްކަން ފާހަގަކުރެވިފައިވާ ކަމަށް އިމިގްރޭޝަނުން ބުންޏެވެ.

ގަވައިދާ ޚިލާފަށް ރާއްޖޭގައި އުޅެމުންދާ އަދި ވިޔަފާރިކުރަމުންދާ ބިދޭސީންގެ މައްސަލަ ހައްލުކުރަން އިމިގްރޭޝަނުން ކުރަމުންދާ މަސައްކަތްތަކުގެ ތެރޭގައި ހުޅުމާލެއާއި މާލޭގައި މާސް އިންސްޕެކްޝަންތަކާއި، ރެއިޑް އޮޕަރޭޝަންތައް ހިންގާފައިވެއެވެ.