ހުސްވި އަހަރަށް ވުރެ މިއަހަރު މިހާތަނަށް އައި ފަތުރުވެރިންގެ އަދަދު 13.6 އިންސައްތަ އިތުރުވެއްޖެ

މި އަހަރުގެ މިހާތަނަށް 650,000 ވުރެ ގިނަ ފަތުރުވެރިން ޒިޔާރަތް ކޮށްފި ކަމަށާއި މިއީ މިދިޔަ އަހަރުގެ މިހާތަނަށް އައި ފަތުރުވެރިންގެ އަދަދަށް ވުރެ 13.6 އިންސައްތަ އިތުރު އަދަދެއް ކަން ޓޫރިޒަމް މިނިސްޓްރީގެ ތަފާސްހިސާބުތަކުން ދައްކައިފިއެވެ.

ޓޫރިޒަމް މިނިސްޓްރީގެ ތަފާސްހިސާބުތައް ދައްކާގޮތުގައި އެވްރެޖްކޮށް ދުވާލަކު 6570 ފަތުރުވެރިން ރާއަޖެއަށް ޒިޔާރަތްކުރެއެވެ އަދި މި އަހަރުގެ މިހާތަނަށް 650404 ފަތުރުވެރިން ޒިޔާރަތްކޮށްފައިވެއެވެ.

އިންޑިޔާއިން އަންނަ ފަތުރުވެރިންގެ އަދަދު މަދު ވިޔަސް ޖުމްލަކޮށް އޮންނަ ފަތުރުވެރިންގެ އަދަދު ވަނީ އިތުރުވެފައެވެ.

ސަރުކާރުން އަމާޒު ހިފާފައި ވަނީ މި އަހަރު ނިމުމުގެ ކުރިން 2 މިލިއަން ފަތުރުވެރިން ރާއްޖެއަށް ގެނެސް ރެކޯޑެއް ގާއިމް ކުރުމެވެ.