ޖަލުޙުކުމެއް ތަންފީޒު ކުރަމުންދިޔަ ގައިދީއަކު ނިޔާވެއްޖެ

މޯލްޑިވްސަ ކަރެކްޟަނަލް ސަރވިސް ގެ ލޯގޯ

ހުޅުމާލޭ ގައި ހުންނަ ކަރެކްޟަނަލް-ގައިދީން ޔުނިޓުގައި ޙުކުމް ތަންފީޒު ކުރަމުން ގެންދަވާ ރ. މަޑުއްވަރީ ވިންޑްމާގޭ އަޙްމަދު އިޖާޒު (44 އަހަރު) ނިޔާވެއްޖެ އެވެ.

މިދިޔަ މަހު (8 މާރިޗު 2024) ގައި ނޭވާލާން އުނދަގޫވެގެން  އިޖާދު ވަނީ ހުޅުމާލޭ ހޮސްޕިޓަލަށް ގެންގޮސް ހާލު ދެރަވުމުގެ ސަބަބުން އެޑްމިޓްކޮށްފައެވެ. އޭނާއަކީ ޓީބީ ބަލި ހުރި މީހަކަށް ވެފައި، ބަލީގެ ޙާލަތު ބޮޑުވުމުން ވަނީ  ޖެހިގެން އައި ދުވަހު(9 މާރިޗު 2024)  އައިސީޔޫއަށް ބަދަލުކޮށް ، ފަރުވާ ދޭންފަށާފައެވެ. އަދި ޙާލަތު ގޯސްވެ، ފަހުން ވެންޓިލޭޓަރަށް ލާފައިވެއެވެ. އައިސީޔޫއިން އޭނާ ނިޔާވެފައިވާކަމަށް ކަނޑައަޅާފައިވަނީ ރޭ 23:30 ހާއިރުއެވެ

07 މާރޗް 2024 ވީ ބުރާސްފަތި ދުވަހު އިޖާދު ވަނީ ހުޅުމާލެ ޖަލަށް 3 އަހަރުގެ ހުކުމެއް ތަންފީޒުކުރަން ގެނެ ވިފައެވެ. 

އިޖާޒު ނިޔާވުމާ ގުޅިގެން މޯލްޑިވްސް ކަރެކްޟަނަލް ސްރވިސްއިން ވަނީ އެކަން އޭނާގެ ޢާއިލާއަށާއި އިންސްޕެކްޓަރ އޮފް ކަރެކްޝަނަލް ސަރވިސްއަށާއި މޯލްޑިވްސް ޕޮލިސް ސަރވިސްއަށާއި ހިއުމަން ރައިޓްސް ކޮމިޝަން އޮފް ދަ މޯލްޑިވްސްއަށާއި ނެޝަނަލް އިންޓެގްރިޓީ ކޮމިޝަން އަށް އަންގާފައެވެ.