ކުރިއަށް އޮތް ރޯދަމަހު އުމުރާއަށް ދާމީހުންގެ ޑޮލަރުގެ ލިމިޓް އިތުރުކުރަން ރައީސް އެދިވަޑައިގެންފި

އަންނަ ރޯދަމަހުގައި އުމުރާއަށް ދާމީހުންގެ ޑެބިޓް ކާޑުގެ ޑޮލަރު ލިމިޓު ބޮޑުކޮށް ދޭން ބޭންކް އޮފް މޯލްޑިވްސް (ބީއެމްއެލް) ގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިއަދު އެދިވަޑައިގެންފި އެވެ.

ރައީސް މިއަދު އެކްސްގައި ކުރެއްވި ޕޯސްޓެއްގައި ވިދާޅުވެފައި ވަނީ ކޮންމެ އުމްރާވެރިއެއްގެ ބީއެމްއެލްގެ ޑެބިޓް ކާޑަށް، މިހާރު އޮންނަ ޑޮލަރު ލިމިޓުގެ އިތުރުން 1،500 ޑޮލަރުގެ ލިމިޓެއް ހަމަޖައްސައި ދިނުމަށް އެ ބޭންކާއި މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގައި އެދިވަޑައިގެންފައިވާ ކަމަށެވެ.

މިހާރު ބީއެމްއެލްގެ ޑެބިޓް ކާޑުތަކަށް ކަނޑައަޅާފައިވާ މިނިޓަކު 250 ޑޮލަރެވެ. ނަމަވެސް ރައީސްގެ މި އެދިވަޑައިގަތުމަށް ފަހު ޖުމުލަ 1،750 ޑޮލަރު ކާޑު ލިމިޓަށް ކޮންމެ އުމުރާ ވެރިއަކަށް ލިބިގެންދާނެ އެވެ.