މާލެ ސަރަހައްދުގެ 46،251 ގެއަކަށް ކަދުރު ދޫކޮށްފި ކަމަށް އިސްލާމިކް މިނިސްޓްރީން ބުނެފި

ރޯދަމަހަށް ހާއްސަކޮށް މާލެ ސަރަހައްދުގެ 46،251 ގެއަކަށް ކަދުރު ބަހާފައިވާ ކަމަށް އިސްލާމިކް މިނިސްޓްރީން ބުނެފި އެވެ.

މިދިޔަ މަހުގެ 20 ވަނަ ދުވަހު ބަހަން ފެށި 50 ޓަނުގެ ކަދުރުގެ ތެރެއިން މާލެ އާއި ވިލިމާލެ އާއި ހުޅުމާލެ އަށް ކަނޑައެޅި ކަދުރު މިހާރު ވަނީ ބަހައި ނިންމާފައި ކަމަށް މިނިސްޓްރީން ބުންޏެވެ.

އެގޮތުން އިސްލާމިކް މިނިސްޓްރީން ބުނީ މާލެ ސަރަހައްދުގެ 46،251 ގެއަކަށް 11،375 ޕެކެޓުގެ ކަދުރު ދޫކޮށްފައިވާ ކަމަށެވެ. އަދި ކައުންސިލްތަކަށް ވަނީ 56،461 ގޭބިސީއަށް ވާ 10،788 ޕެކެޓު ދޫކޮށްފައި ކަމަށެވެ.

މިހާތަނަށް 22،163 ކަދުރު ޕެކެޓު ބަހާފައިވާ ކަމަށް ވެސް މިނިސްޓްރީން ބުނެފައި ވެއެވެ.