އެމްޑީޕީގެ އެކްޓިވިސްޓެއް ޕީއެންސީއަށް ގުޅިއްޖެ

މޯލްޑިވްސް ޑިމޮކްރެޓިކް ޕާޓީ (އެމްޑީޕީ)ގެ އެކްޓިވިސްޓު އަހުމަދު ރަޝީދު އެޕާޓީ ދޫކޮށް ސަރުކާރުގެ މައި ޕާޓީ ޕީޕަލްސް ނޭޝަން ކޮންގްރެސް (ޕީއެންސީ)އާ ގުޅިއްޖެ އެވެ.

ޕީއެންސީން މިރޭ އެކްސްގައި ކުރި ޕޯސްޓެއްގައި ބުނެފައި ވަނީ އަހުމަދު ރަޝީދު (ދޮންކޮޅު) އެ ޕާޓީއަށް ސޮއި ކޮށްފައިވާ ކަމަށެވެ.

މުލިއާގޭގައި އެކަމަށްޓަކައި ބޭއްވި ކުޑަ ރަސްމިއްޔާތެއްގައި އޭނާ ވަނީ ޕާޓީގެ ފޯމު ރައީސުލްޖުމްހޫރީއްޔާ ޑރ މުހައްމަދު މުއިއްޒު އާއި ހަވާލުކޮށްފަ އެވެ.

މި ރަސްމިއްޔާތުގައި މަޖިލިސް ރައީސް އަބްދުއްރަހީމް އަބްދުﷲ އާއި ޕީއެންސީގެ ޕީޖީ ލީޑަރު އަދި އިނގުރައިދޫ ދާއިރާގެ މެންބަރު އިބްރާހިމް ފަލާހު ވެސް ވަނީ ބައިވެރިވެވަޑައިގެންފަ އެވެ.