މިދައުރު ނިމުމުގެ ކުރިން ސަރުކާރު މުވައްޒަފުންގެ މުސާރަ ބޮޑުކޮށް ދޭނެކަމަށް ރައީސް ވިދާޅުވެއްޖެ

ވެރިކަމުގެ މި ދައުރުގެ ތެރޭގައި ސަރުކާރުގެ ހުރިހާ ސެކްޓާއެއްގެ މުސާރަ ބޮޑުކޮށްދެއްވާނެކަމަށް ރައީސުލްޖުމުހުރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.

އެމަނިކުފާނު މިފަދައިން ވިދާޅުވީ ސަރުކާރު މުވައްޒަފުންގެ މުސާރަ ބޮޑުކުރުމާމެދު، ފުވައްމުލައް ސިޓީ، ނިއުވެލީ، ޢަލީ ޝަފީޢު ކުރި ސުވާލަށް ޖަވާބު ދެއްވަމުންނެވެ.

މި ސުވާލަށް ޖަވާބު ދެއްވަމުން ރައީސް ވިދާޅުވީ މުއައްސަސާތަކުގެ މުސާރަ ބޮޑުކުރުމަކީ އެމަނިކުފާނުގެ ރިޔާސީ ވައުދެއްކަމަށެވެ.

އަދި ރާއްޖޭގެ އިގްތިސާދު ރަންގަޅުވަމުން އަންނަ ވަރަކުން މުސާރަތައް ބޮޑުކޮއްދޭނެ ކަމަށް ރައީސް ވިދާޅުވި.

އެންމެ ފަހުން މިކަހަލަ ބޮޑު ބަދަލުތަކެއް ގެނައީ ކުރީ ސަރުކާރުގައެވެ. އެއީ ޓީޗަރުންނާއި ނަރުހުންގެ މުސާބޮޑުކުރި ފަހަރެވެ. އޭރު ރާއްޖޭގެ އިގްތިސާދު އޮތް ނާޒުކު ހާލަތުން ވަރަށް ގިނަ ބައެއްގެ ފާޑުކިޔުން އެކަމަށް ރައްދުވިއެވެ.