މައިގްރެއިންގެ ސަބަބުން އައިބީޑީ ޖެހުމުގެ ނުރައްކާ އިތުރުވާ ކަމަށް އާ ދިރާސާއަކުން ދައްކައިފި

ދުނިޔޭގެ އެކި ކަންކޮޅުތަކުގައި 1 ބިލިއަނަށް ވުރެ ގިނަ މީހުންނަށް ކޮންމެ އަހަރަކު މަދުވެގެން އެއްފަހަރު މައިގްރެއިން އެޓޭކް ޖެހެ އެވެ.

މީގެ ކުރިން ކުރެވުނު ދިރާސާތަކުން ދައްކާ ގޮތުގައި މައިގްރެއިން ޖެހުމަކީ ސިއްހީ އިތުރު މައްސަލަތަކުގެ ނުރައްކާ އިތުރުވެދާނެ ކަމެކެވެ. އޭގެތެރެއިން ގޭސްޓްރޯއިންޓެސްޓިނަލް ސިއްހީ މައްސަލަތައް ހިމެނެއެވެ. އަދި ސައުތް ކޮރެއާގެ ނޭޝަނަލް ޔުނިވާސިޓީ ކޮލެޖް އޮފް މެޑިސިންއިން ކުރި އާ ދިރާސާއަކުން ބުނާ ގޮތުގައި މައިގްރެއިން އިން އިންފްލެމެޓަރީ ބަވަލް ޑިޒީޒް (އައިބީޑީ) ޖެހުމުގެ ނުރައްކާ އިތުރުވުމާ ވެސް ގުޅުން އޮވެދާނެ އެވެ.

މިހާރު ކުރިއަށްދާ ދިރާސާއަށް ދިރާސާވެރިން ވަނީ ދެކުނު ކޮރެއާގެ ރައްޔިތުންނަށް މުޅި ގައުމުގެ ސިއްހީ ހިދުމަތްދޭ ނިޒާމު މެދުވެރިކޮށް 10 މިލިއަނަށް ވުރެ ގިނަ މީހުންގެ ޑޭޓާ ތަހުލީލުކޮށްފަ އެވެ. ދިރާސާގެ އާބާދީގެ ގާތްގަނޑަކަށް %3 މީހުންނަށް އައިބީޑީ ހުއްޓެވެ.

މި ޑޭޓާ މެދުވެރިކޮށް ސައިންސްވެރިން ހޯދި ހޯދުންތަކުން ދައްކާ ގޮތުގައި މައިގްރެއިން ޖެހިފައިވާ މީހުންނަށް އައިބީޑީ ޖެހުމުގެ ފުރުސަތު އިތުރުވެ އެވެ.

މި ހޯދުންތަކަށް ބިނާކޮށް ދިރާސާ ޓީމުން ލަފާދެނީ މައިގްރެއިން ޖެހިފައިވާ މީހުން، އައިބީޑީ ޖެހިފައިތޯ މޮނިޓަރކޮށް ބެލުމަށެވެ.

އައިބީޑީގެ ސަބަބުތަކާއި ފަރުވާތަކާ ބެހޭ ގޮތުން މިހާރު ކުރެވެމުންދާ ދިރާސާތަކާ ބެހޭ އިތުރު މައުލޫމާތު ހޯއްދެވުމަށް https://www.medicalnewstoday.com/articles/migraine-increased-risk-of-ibd-inflammatory-bowel-disease-study#Future-research-avenues-for-treatments