އެމްއެންޑީއެފް އިން ކ. ގުރައިދޫގައި ފަސްޓްއެއިޑް ޕްރޮގްރާމެއް ފަށައިފި

އެމްއެންޑީއެފް މާލޭ އޭރިއާ ކޮމާންޑާއި ސެނަހިޔާ މިލިޓަރީ ހޮސްޕިޓަލުން ގުޅިގެން ކ. ގުރައިދޫ ޕޮލިހުން އިސްނަގައިގެން ހިންގާ ފަސްޓްއެއިޑް ޕްރޮގްރާމް ފަށައިފިއެވެ.

މި މަހުގެ 20 އިން 26 އަށް ކުރިއަށް ގެންދާ  މި ޕްރޮގްރާމް އަކީ ކ.ގުރައިދޫ ޕޮލިހުން އިސްނަގައިގެން، އެ ރަށުގައި ހުރި ސަރުކާރު މުއައްސަސާތަކުގައި މަސައްކަތްކުރާ ބޭފުޅުންނަށް އަމާޒުކޮށްގެން ކުރިއަށްގެންދާ ޕްރޮގްރާމެކެވެ. 

މި ޕްރޮގްރާމު ނިމޭއިރު، ސްޓޭންޑެޓް ފަސްޓްއެއިޑް ކޯހުގެ އިތުރުން ސީޕީއާރު އޭއީޑީ ކޯސް، ބައިވެރިންނަށް ފުރިހަމަކޮށްދިނުމަށް ހަމަޖެހިފައި ވެއެވެ. އަދި މި ޕްރޮގްރާމްގައި ކ. ކާށިދޫ، ކ.ތުލުސްދޫ، ކ.ހިންމަފުށި އަދި ކ.މާފުށީ ޕޮލިހުންނާއި، ކ. ކާށިދޫ ކައުންސިލުން ވެސް ބައިވެރިވެއެވެ.

ކ.ގުރައިދޫން ޕްރޮގްރާމުގައި ބައިވެރިވި މުއައްސަސާތަކުގެ ތެރޭގައި ހިމެނެނީ އެ ރަށުގައި ހުންނަ ހޯމް ފޮރ ޕީޕަލްސް ވިތު ސްޕެޝަލް ނީޑްސް (އެޗްޕީއެސްއެން)، ގުރައިދޫ ޕޮލިސް، ގުރައިދޫ ހެލްތު ސެންޓަރ، ގުރައިދޫ މެޖިސްޓްރޭޓް ކޯޓުގެ އިތުރުން ގުރައިދޫ ސްކޫލު ސްކައުޓުންނެވެ. 

މި ޕްރޮގްރާމްގައި 34 ބައިވެރިން ބައިވެރިވާ އިރު، މުދައްރިބުންގެ ގޮތުގައި ހަރަކާތްތެރި ވަނީ އެމްއެންޑީއެފްގެ މުދައްރިބުންނެވެ.