ރާއްޖެއާއި ސައުދީއާއި ދެމެދު ވިޔަފާރީގެ ގުޅުން އިތުރުކުރަނީ

ރާއްޖެއާއި ސައުދީއާއި ދެމެދު ވިޔަފާރީގެ ގުޅުން އިތުރު ކުރުމުގެ ގޮތުން އެމްއޯޔޫއެއް ފާސްކޮށްފިއެވެ.

އެގޮތުން އިކޮނަމިކް މިނިސްޓްރީން މިއަދުކުރި ޓްވީޓެއްގައި ބުނެފައި ވަނީ އެ މިނިސްޓްރީއާއި ސައުދީގެ ދަ ޖެނެރަލް އޮތޯރިޓީ ފޯ ފޮރިން ޓްރޭޑާ ދެމެދު ހެދުނު އެމްއޯޔޫ، ސައުދީގެ ވަޒީރުންގެ މަޖިލީހުން ފާސްކޮށްފައިވާ ކަމަށެވެ.

މިއީ ރައީސް ޑރ. މުހައްމަދު މުއިއްޒު އަދި ސައުދީ އަރަބިއްޔާގެ ވަލީއަހުދު، މުހައްމަދު ބިން ސަލްމާންގެ ލަނޑުދަނޑިތަކަށް އެހީތެރިވެދޭ ކަމެއް ކަމަށާއި މި ކަމުގެ މަގުސަދަކީ ދެ ގައުމަށް ވެސް ފައިދާވާ ގޮތަށް ވިޔަފާރީގެ އެއްބާރުލުން އިތުރުކުރުން ކަމަށް މިނިސްޓްރީން ބުނެފައިވެއެވެ.