ރަސްމާދޫގާއި ހައުސިންގް ޔުނިޓްގެ މަޝްރޫއެއް

ރ. ރަސްމާދޫގައި އިސްކަމެއް ދީގެން ހައުސިން ހައުސިން ޔުނިޓު މަޝްރޫއެއް ކުރިއަށް ގެންދާނެކަމަށް ރައީސުލްޖުމްހޫރީއްޔާ ޑރ. މުޙައްމަދު މުއިއްޒު އިއުލާނުކުރައްވައިފި އެވެ.

ރައީސް މިހެން ވިދާޅުވީ ރ. އަތޮޅުގެ ބައެއް ރަށްތަކަށް ކުރައްވާ ދަތުރުފުޅުގެ ތެރެއިން ރަސްމާދޫ ރައްޔިތުންނާ ބައްދަލު ކުރައްވައި ވާހަކަފުޅު ދައްކަވަމުންނެވެ.

އެގޮތުން ރައީސް ވިދާޅުވީ މިއަހަރަށް ކަނޑައަޅާފައިވާ ބަޖެޓުގައި އެންމެ ބޮޑު އިސްކަމެއް ދީފައި ވަނީ ބޯހިޔާވަހިކަމުގެ މަޝްރޫއުތަކަށް ކަމަށާއި ކުދި ތަންތަނުގައި އާއިލާތައް އުޅެން ޖެހުމުން ހީނުކުރާ ކަހަލަ މައްސަލަތަކެއް ކުރިމަތިވާ ކަމަށެވެ.

އެހެންކަމުން އެމަނިކުފާނުގެ މެނިފެސްޓޯގައި އެކަން ހިމެނީ ބޯހިޔާވަހިކަމުގެ މައްސަލަ ހައްލުކުރުމަށް ކަމަށްވެސް ރައީސް ވިދާޅުވި އެވެ.

މީގެ އިތުރުން ރައީސް ވަނީ އެރަށުގައި ދެވަނަ އަށް އެންމެ ބޮޑު އިސްކަމެއް ދޭނީ ތައުލީމީ ދާއިރާއާއި ސިއްހީ ދާއިރާއަށް ދިމާވެފައި ހުރި ދަތިތައް ހައްލުކޮށްދިނުމަށް ކަމަށް ވިދާޅުވެފަ އެވެ.

އެގޮތުން، ރަސްމާދޫގައި އަޅާ ތިން ފަންގިފިލާގެ ސުކޫލު އިމާރާތުގެ މަސައްކަތް ނިމުމުން ވަރަށް ގިނަ ކަންކަން ހައްލުވާނެ ކަމަށް ރައީސް ވިދާޅުވި އެވެ. އަދި މިހާރަށް ވުރެ އަވަހަށް އެ މަޝްރޫއު ނިންމައިދިނުމަށް މަސައްކަތްކޮށްދެއްވާނެ ކަން އެމަނިކުފާނު ފާހަގަކުރެއްވިއެވެ.