25 އަހަރު ތެރޭގައި ޓައިވާނަށް އައި އެންމެ ވަރުގަދަ ބިންހެލުން

މިއީ 25 އަހަރު ތެރޭގައި ޓައިވާނަށް އައި އެންމެ ވަރުގަދަ ބިންހެލުމެވެ.

ކުރީކޮޅު ބިންހެލުމުގެ ސަބަބުން ޖަޕާނާއި ފިލިޕީންސް އަށް ސުނާމީގެ އިންޒާރުތައް ދިން ނަމަވެސް ފަހުން އެ އިންޒާރުތައް ވަނީ ހުއްޓާލާފަ އެވެ. އެންމެ ބޮޑަށް ގެއްލުން ލިބުނު ސަރަހައްދަކީ ހޫއަލިއެން ކަމަށްވާއިރު، އެ ސަރަހައްދުގައި އިމާރާތްތައް ވެއްޓި، މަގުތައް ބަންދުވެ، ރޭލުތައް ހުއްޓުވައި، އެ ސަރަހައްދު ޓައިވާންގެ އެހެން ސަރަހައްދުތަކާ އިތުރަށް އެކަހެރިވި އެވެ.

ޓައިވާންގެ އިރުމަތީ އައްސޭރިފަށަށް 7.4 މެގްނިޓިއުޑްގެ ބިންހެލުމެއް އައިސް މަދުވެގެން ނުވަ މީހަކު މަރުވެ 800 އަށް ވުރެ ގިނަ މީހުން ޒަޚަމްވުމުން ސަލާމަތް ކުރުމުގެ މަސައްކަތްތައް ކުރިއަށް އެބަދެ އެވެ.

ވެއްޓިފައިވާ ޓަނަލްތަކާއި ފަރުބަދަމަތީ މަގުތަކުގައި 127 ވަރަކަށް މީހުން ވަނީ ތާށިވެފައެވެ. 

ބިންހެލުމުގެ މަރުކަޒު ހުރީ ހުއާލިއެން ސިޓީގެ ދެކުނުން 18 ކިލޯމީޓަރު (11 މޭލު) ދުރުގައި ނަމަވެސް 100 ކިލޯމީޓަރަށް ވުރެ ދުރުގައި އޮންނަ ވެރިރަށް ޓައިޕޭގެ ހުރިހާ ދިމާލަކަށް ވެސް ވަރުގަދަ ބިންހެލުންތަކެއް އިހުސާސް ކުރެވިފައިވެ އެވެ.

އެންމެ ފަހުން އައި ބޮޑު ބިންހެލުން - 7.6 މެގްނިޓިއުޑްގެ ބާރުމިނުގައި - 1999 ވަނަ އަހަރުގެ ސެޕްޓެމްބަރު މަހު 2،400 މީހުން މަރުވެ 5،000 އިމާރާތް ވަނީ ހަލާކުވެފަ އެވެ.