ފިރިހެނަކު އޭނާގެ އަންހެން ދަރިފުޅު ރޭޕްކުރުމުން، ދިއްލީ ކޯޓުން އެނާ އުމުރަށް ޖަލަށްލުމަށް ހުކުމްކޮށްފި

ކުޑަ އަންހެން ދަރިފުޅު ރޭޕްކޮށް ބަލިވެ އިނުމުގެ ކުށުގައި ގައުމީ ވެރިރަށް ނިއުދިއްލީގެ ހާއްސަ ކޯޓަކުން އެ ފިރިހެން މީހާއަށް އުމުރު ދުވަހުގެ ޖަލު ހުކުމެއް އިއްވައިފި އެވެ.

ކޯޓުން ފާހަގަކޮށްފައިވާ ގޮތުގައި ޝިކާރައަކަށް ވި އަންހެން ދަރިފުޅުގެ އުމުރަކީ 17 އަހަރު ކަމަށެވެ. އަދި މިކަން ހަރުކަށި އިބާރާތުން ކުއްވެރިކޮށް އެއްވެސް ލުޔެއްނުދޭން އެ ކޯޓުން ވަނީ ނިންމަވާފައެވެ.

ކޯޓުން ކުށްވެރިޔާއާ ދެކޮޅަށް ގިނަ ކަންތައްތަކެއް ލިސްޓްކޮށްފައިވާއިރު، އޭގެ ތެރޭގައި އޭނާގެ ކުޑަ އަންހެން ދަރިފުޅު ތަކުރާރުކޮށް ރޭޕްކޮށް، އޭގެ ނަތީޖާއެއްގެ ގޮތުން ބަލިވެ އިނުން ހިމެނެ އެވެ. އޭނާ ވިހެއީ މިދިޔަ އަހަރުގެ ފެބްރުއަރީ މަހުގެ ތެރޭގަ އެވެ. 

އަދި ޝަރީއަތުގެ މަޖިލީހުގައި ކުށްވެރިޔާ އޭނާގެ އަންހެން ދަރިފުޅަށް ސިޓީއެއް ލިޔެ، ޖަޒުބާތީ ގޮތުން ބްލެކްމެއިލް ކުރަން މަސައްކަތް ކުރި ކަމަށް ވެސް ބުނެފައިވެ އެވެ.

ޝިކާރައަކަށް ވެފައިވާ އަންހެން މީހާއަށް ލިބުނު ދަރިފުޅު ފަހުން ވަނީ އެޑޮޕްޝަންގެ ހާއްސަ އެޖެންސީއަކަށް ދީފައެވެ.