އިޒްރޭލުން ރަފާއަށް އަރަން ދުވަސް ކަނޑައަޅާފައި ވާކަމަށް އަންގައިފި!

އިޒްރޭލުން ގާޒާގެ އަވަށެއް ކަމުގައި ވާ ރަފާއަށް އަރަން ދުވަސް ކަނޑައަޅާފައި ވާކަމަށް އިޒްރޭލްގެ ބޮޑު ވަޒީރު އަންގައިފި!

ގަޒާގެ އެންމެ ދެކުނު އަވައް ކަމުގައުވާ ރަފާއަކީ މިވަގުތު 1.5 މިލިޔަން ފަލަސްތީނު ރައްޔިތުން ހިޖުރަކުރަން މަޖުބޫރު ވެގެން ދިރި އުޅެމުންދާ ސަރަހައްދެވެ. ވީޑިއޯ ސްޓޭޓްމެންޓެއްގައި ނެތެންޔާހޫ ބުނީ ރަފާއައް އަރާނަން ކަމަށާއި އަދި ދުވަސް ވެސް ކަނޑައަޅާފައި ވާކަމަށް، ނަމަވެސް އިތުރު ތަފްޟީލެއް ނުދެއެވެ.

މިސަރަހައްދުގެ ދެކުނައް ދެން އިންނާނީ މިސްރެވެ. އިސްރޭލް މީހުންގެ މަގްޟަަދަކައް ވަނީ ފަލަސްތީނުގެ ރައްޔިތުންނަށް މިސްރަށް އެރުން މަޖުބޫރުކުރުން ކަމައްވެއެވެ. 

ނަމަވެސް ފަލަސްތީނު ރައްޔިތުން ހުރީ ފުރާނަ ދީގެންވެސް އަލް-އަގްސާގެ ބިން ޔަހޫދީންގެ އަތައް ބީވިޔަނުދޭންށެވެ.