މުސްލިމުން ނައްތާލުމަށް ޓަކައި ބީޖޭޕީ ބޭނުން ކުރާ ޓޫލް 'ހިންދުތްވާ ޕޮޕް'

އިންޑިޔާގެ ހިންދޫ ޒުވާން ބަޔަކު ހިނގާ ހިންދުތްވާ ޕޮޕް ( H POP) ދަނީ އިސްލާމް ދީނަށް ފުރައްސާރަކޮށް މުސްލިމުންނާ ދޭތެރޭ ރުޅިވެރިކަން ފަތުރަމުންނެވެ. އެމީހުން މިކަންތައް ކުރަމުން ދަނީ ލަވަޔާއި މިއުޒިކްޝޯ ތަކުގެ ޒަރިއްޔާއިންނެވެ.

އެމީހުންގެ ލަވަތަކާއި މިއުޒިކް ޝޯތަކުން ވަނީ އިންޑިއާ ހިންދޫ އިންގެ ތަރުހީބާއި އެއްބާރުލުން ހޯދައިފަ އެވެ.

އަދި މި ގުރޫޕުން ދަނީ މުސްލިމުންނަށް ނިސްބަތްކޮށް ހަޑިހުތުރު އެއްޗިހި ކިޔާ އިސްލާމް ދީނަށް ފުރައްސާރަކުރާ ލަވަތަކާއި މިއުޒިކް ޝޯތައް ޔޫޓިއުބް އަދި އެހެނިހެން ޝޯޝަލް މީޑިއާތަކުގައިވެސް ފަތުރަމުންނެވެ. 

ހިންދޫ ޕޮޕް މަޝްހޫރުވެގެން ދިޔައީ އިންޑިއާގެ މަޝްޙޫރު ލަވަކިއުންތެރިޔާ 'ކަވި ސިންގ' އެ ގުރޫޕާ ބައިވެރިވިފަހުންނެވެ.

އެމީހުންގެ ޝޯތަކުން އާންމުކޮށް ފެނިގެންދަނީ ހިންދޫ ސެފްރޮން އޮރެންޖު ދިދަ ވިހުރުވުމާއި، ހިންދުތްވާ ކަލާނގެ 'ރާމް' މަތިވެރިކޮށް ސަނާކިއުމުންނާއި އަދި މުސްލިމުން ނިކަމެތިކޮށް ހަޑިހުތުރު އެއްޗިހި ކިޔާ މަލާމާތް ކުރާ މަންޒަރުތަކުންނެވެ.

އިންޑިޔާ ވެރިކަންކުރާ ޕާޓީ (BJP) އިންޑިޔާ ސަރުކާރާއި ހަވާލުވި ފަހުން މިކަހަލަ އެތަކެއް އަނިޔާތަކަކާއި ފުރައްސާރަ ތަކެއް މުސްލިމުން ދަނީ އަބަދާއި އަބަދުމެ ކުރަމުންނެވެ. އަދި މިކަމުގެ ހައްލަކީ ހިންދޫ އިން ބުނާގޮތުގައި މުސްލިމުން ދުނިޔެ އިން ނައްތާލުން ކަމުގައި އެމީހުން ބުނެއެވެ.