އިންޑިޔާގެ ނޭވަލް ބޭސް ހަދަން އުޅުނު އުތުރު ތިލަފަޅުގައި ދަނޑުވެރިކަން ކުރަން ބޭނުން ކުރާތީ އެމްޑީޕީއިން އެކަމާ ނުރުހުން ފާޅުކޮށްފި

އިންޑިޔާގެ ނޭވަލް ބޭސް ހަދަން އުޅުނު އުތުރު ތިލަފަޅުގައި ދަނޑުވެރިކަން ކުރަން ބޭނުން ކުރާތީ އެމްޑީޕީއިން އެކަމާ ނުރުހުން ފާޅުކޮށްފިއެވެ.

އެމްޑީޕީގެ ޗެއާޕާސަން ފައްޔާޒު އިސްމާއިލް ދެއްކެވި ވާހަކަ ފުޅެއްގައި އެ މަނިކުފާނު ވަނީ އުތުރު ތިލަފަޅުގައި ފަށަން އުޅޭ ދަނޑުވެރިކަމުގެ ޕޮރެޖެކްޓަށް ފާޑުވިދާޅުވެފައިއެވެ. އެމަނިކުފާނު ވިދާޅުވީ ކުރީ ސަރުކާރުގެ ފަހު ދުވަސްކޮޅު ފަށަން ވިސްނި ކަމެއް ނަމަވެސް އެތާގައި ގެދޮރު އިމާރާތް ކުރުން އެއީ މާ ފައިދާހުރި ކަމެއްގެ ގޮތުގައި ފެނި ވަޑައި ގަންނަ ކަމަށެވެ. އަދި އެމްޑީޕީ އައް ދެން ވެރިކަން ލިބިއްޖެނަމަ އެތާގައި ހެދޭ ހުރިހާ އެއްބަސްވުމެއް ބާތިލް ކުރާނޭ ކަމައްވެސް އެ މަނިކުފާނު ވިދާޅުވި އެވެ.

ހަމަ އެކަނި އެއް ގައުމަކަށް ބަރޯސާވެފައި އޮންނަ އޮތުން ކުޑަ ވާ ގޮތައް ސަރުކާރުން ކުރަމުން ދާ މަސައްކަތްތަކަށް މީގެ ކުރިން ވެސް އެމްޑީޕީގެ ފާޑު ކިޔުންތައް ވަނީ އަމާޒުވެފައެވެ. އެއާ އެމްބިއުލާންސާއި، ޑުރޯން ފަދަ ވަސީލަތްތައް ދިވެހިން އަމިއްލައަށް ބޭނުން ކުރުމަކީވެސް ހަރަދު ބޮނޑު ކަމެއްގެ ގޮތުގައި އެމްޑީޕީ އިން ވަނީ ސިފަކޮށްފަ އެވެ.