މިދިޔަ ސަރުކާރުގައި ނުނިންމުނު ގުޅީފަޅު މަޝްރޫއު ނިންމާލައިފި.

މިދިޔަ ސަރުކާރުން ރައްޔިތުންނަށް ގޯތި ދޫކުރި ގުޅީފަަޅު، ހިއްކަން ކަނޑައެޅި ސަރަހައްދު މިސަރުކާރު އެއްކޮށް ހިއްކާ ނިންމާލައިފިއެވެ.

ކުރީގެ ރައީސް އިބްރާހިމް މުހައްމަދު ސޯލިހްގެ ސަރުކާރުން މާލެ ރައްޔިތުންނަށް ގޯތިދޭން ނިންމައި، ގުޅިފަޅު ބިން ހިއްކުމުގެ މަޝްރޫއު ފެށީ ނެދަލެންޑްސްގެ ކުންފުންޏެއް ކަމަށްވާ ބޮސްކާލިސްއާ ހަވާލުކޮށްގެންނެވެ. އޭރު ގުޅިފަޅުން 5،000 މީހުންނަށް ގޯތި ދޭން ނިންމައި، އެކަން އިއުލާން ކުރި ނަމަވެސް ދައުރު ނިމިގެން ދިޔައިރުވެސް ގުޅީފަޅު ބޮޑުބައި އޮތީ ނުނިމި އެވެ.

ގުޅީފަޅު ހިއްކުމުގެ މަސައްކަތް ނެދަލެންޑްސްގެ ބޮސްކާލިސް ކުންފުންޏާ، 2019 ވަނަ އަހަރު ހަވާލުކުރީ ދެ ބިލިއަން ރުފިޔާ އަށް 65 ހެކްޓަރުގެ ބިން ހިއްކާ ގޮތަށެވެ. ނަމަވެސް މިހާރުގެ ރައީސް ޑރ. މުހައްމަދު މުއިއްޒު ވަނީ ގުޅިފަޅަށް އިތުރު 85 ހެކްޓަރު އިތުރުކޮށް، 150 ހެކްޓަރު ހިއްކާ ގޮތަށް ހަމަޖައްސަވައިފަ އެވެ. އެ ތަން ވެސް މިހާރު ވަނީ ހިއްކާ ނިމިފަ އެވެ.

މިހާރުގެ ރައީސް ޑރ.މުހައްމަދު މުއިއްޒު ވެރިކަމަށް ވަޑަގަތުމުގެ ކުރިން ވެފައިވާ ވައުދުތަކާއި އެއްގޮތަށް މަސައްކަތްތައް ކުރަމުންދާކަން ފާހަގަކޮށްލެވެއެވެ.